Хүн амын дунд бактерийн шалтгаант халдварт болон үрэвсэлт өвчнүүд нэмэгдсэнээр эмийн эмчилгээн дэх антибиотикийн замбараагүй хэрэглээ жил ирэх тусам өссөөр байна. Микробиологийн шинжилгээнд төдийлөн ач холбогдол өгдөггүй, антибиотик эмчилгээг таамгаар эхлүүлдэг, олон төрлийн антибиотик сольж хэрэглэдэг, олон нийт ч антибиотикийг жоргүйгээр дур мэдэн хэрэглэх нь түгээмэл байна. Тиймээс нян судлалын шинжилгээг эмийн эмчилгээ эхлэхээс өмнө өгөх нь эмчилгээний үр дүнд чухал ач холбогдолтой юм.